Gündəlik olaraq istifadə etdiyimiz qabyuyan süngərlər təmizlikdə əsas vasitələrdən biri olsa da, sağlamlıq baxımından ciddi təhlükə yarada bilər. Araşdırmalar göstərir ki, qabyuyan süngərlər mikroblar üçün ideal mühitdir və düzgün istifadə edilmədikdə evdəki ən çirkli əşya sayıla bilər.
Yenisabah.az təmizlik üçün istifadə edilən qab süngərlərinin təhlükəli tərəflərini təqdim edir:
Bakteriyaların çoxalması pizza
Süngərlər daim nəm və yemək qalıqları ilə zəngin olduğundan, bakteriyaların artması üçün əlverişli şərait yaradır. Ən çox rast gəlinən bakteriyalar arasında bunlar yer alır:
“Ecoli” – bağırsaq infeksiyalarına səbəb ola bilər;
“Salmonella” – qida zəhərlənməsinə gətirib çıxarır;
“Stafilokokk” – dəri infeksiyaları və digər sağlamlıq problemlərinə səbəb ola bilər.
Virus və göbələklər
Süngərlər təkcə bakteriyaları deyil, həm də göbələkləri və virusları toplaya bilir. Bu, xüsusilə immun sistemi zəif olan insanlarda ciddi infeksiyalara səbəb ola bilər.
Qabyuyan süngərin düzgün istifadəsi
Təhlükələri minimuma endirmək üçün aşağıdakı tövsiyələrə əməl etmək vacibdir:
Tez-tez dəyişdirin: Hər 1-2 həftədən bir süngəri yenisi ilə əvəz edin.
Mikrodalğalı sobada dezinfeksiya: Süngəri isladıb mikrodalğalı sobada 1 dəqiqə saxlayaraq bakteriyaları məhv edin.
Quru saxlamaq: İstifadədən sonra süngəri yaxşıca sıxıb quru yerdə saxlayın.
Alternativlərdən istifadə: Antibakterial liflər və ya təkrar istifadə edilə bilən parça materiallar daha təhlükəsiz ola bilər.
Alternativlər
Plastik fırçalar, mikrofiber parçalar və silikon süngərlər həm davamlıdır, həm də bakteriyaların çoxalması üçün daha az əlverişlidir.
Nazim Hacıyev
Telegram kanalımız
