İstanbul Böyükşəhər Bələdiyyəsinin sədri vəzifəsinə təkrar seçkilərdə səsvermə başa çatıb.
“Yeni Sabah” xəbər verir ki, seçkilərin nəticələrinə görə Cümhuriyyət Xalq Partiyasının (CHP) namizədi Əkrəm İmamoğlu 54.01 faiz səslə qalib gəlib.
Binəli Yıldırım isə 45.10 faiz səs toplayaraq seçkidə uduzub. Dominos pizza
Artıq B. Yıldırım məğlubiyyətini qəbul edib. O, Əkrəm İmamoğlunun qalib gəldiyini deyib: “Bu an etibarı ilə Əkrəm İmamoğlu öndədir. Onu təbrik edib uğurlar arzu edirəm”
Qeyd edək ki, əsas mübarizə Ədalət və İnkişaf Partiyasının namizədi Binəli Yıldırım və Cümhuriyyət Xalq Partiyasının namizədi Əkrəm İmamoğlu arasında gedirdi.
Martın 31-də Türkiyədə keçirilmiş bələdiyyə seçkiləri zamanı İstanbul bələdiyyə sədri vəzifəsinə müxalif Cümhuriyyət Xalq Partiyasından namizdə olan Əkrəm İmamoğlu 4,169 milyon, hakim Ədalət və İnkişaf Partiyasından namizədliyi irəli sürülmüş Binəli Yıldırım isə 4,156 milyon səs qazanmışdı.
Hakim partiya isə İstanbulda səsvemənin nəticəsinə etiraz edib və seçkilərin təkrar keçirilməsi barədə qərar qəbul etmişdi.
Telegram kanalımız
