İtaliya futbolunda irqçilik baş verib.
“Yeni Sabah” xarici KİV-ə istinadən xəbər verir ki, “Yuventus”un hücumçusu Moyze Kin “Kalyari” ilə səfər oyununda (2:0) yerli azarkeşlərin irqçi şüarları ilə qarşılaşıb.
Qaradərili futbolçunun 85-ci dəqiqədə vurduğu qolu sardiniyalı fanatların əyləşdiyi sektorun qarşısında qeyd etməsi buna əsas səbəb olub. Futbolçunun hərəkətini narazılıqla qarşılayan azarkeşlər onu fitə basıb, təhqir etməyə başlayıblar. Marqarita pizza
“Yuventus”un müdafiəçisi Leonardo Bonuççi ortalığı sakitləşdirməyə çalışsa da, azarkeşlər irqçi şüarlar səsləndirməyə davam ediblər. Ardınca Turin klubunun digər qaradərili futbolçusu Blez Matiudi emosional şəkildə yerli publikaya cavab verib. Daha sonra görüşün baş hakimi Pyero Cakomelli stadionun diktorundan azarkeşlərə xəbərdarlıq etməsini istəyib. Ancaq bu da onları sakitləşdirməyib.
Telegram kanalımız
