Saatlı rayonunda “Kalaşnikov” silahı ilə gəzən şəxs polis əməkdaşları tərəfindən saxlanılıb.
“Yeni Sabah” xəbər verir ki, hadisə fevral ayının 17-də qeydə alınıb. Belə ki, polis əməkdaşları bir nəfərin əlindəki torba ilə şübhəli hərəkət etdiyini aşkarlayıb. Dərhal həmin şəxsin yoxlanılması üçün lazimi tədbirlər görülüb. Nəticədə Saatlı rayon sakini Aqşin Əsədovun əlindəki torbada qanunsuz olaraq saxlanılan odlu silah olduğu müəyyən edilib. Onun əlindəki torbaya baxış keçirilən zaman 1 ədəd “AKS-74” markalı avtomat və ona məxsus 23 ədəd patron aşkar edilərək götürülüb..
O, silahı 2015-ci ildə Araz çayı sahilində metal tulantıları yığarkən tapdığını bildirib. Həmin zaman o avtomatı və güllələri gizlədib. Daha sonra narkotik vasitəyə görə saxlanılan Pərviz 2 il həbs cəzası alıb. Azadlığa çıxdıqdan sonra avtomatın gizlətdiyi yerdə olduğunu yoxlamaq qərarına gəlib. O avtomata baxarkən kənar şəxslərin onu gördüyünü şübhə etdiyi üçün avtomatı başqa bir yerdə gizlətməyə cəh edib. Lakin bu dəfə polis əməkdaşlarından yayına bilməyib. Saxlanılan şəxs avtomatı maraq üçün saxladığını bildirib. Dominos pizza
Faktla bağlı Saatlı Rayon Polis Şöbəsinin İstintaq Bölməsində araşdırma aparılır.
Telegram kanalımız
