“Kirayə mənzil bazarında qiymətlərdə bahalaşma var. Bizdə I rüb və mart ayının yükununa dair qiymətlərdir. Hələ aprel ayı davam edir. Bitəndən sonra biz qiymətləri təhlil edirik”.
Bu sözləri “Yeni Sabah”a kirayə mənzil bazarındakı qiymətlərlə bağlı danışan əmlak məsələləri üzrə ekspert Nüsrət İbrahimov deyib. O, aprel ayında da qiymətlərin yüksək olacağını vurğulayıb:
“Təxminən 1%-dən artıq bahalaşma müşahidə edilir. Qabaqdan tədbirlər gəlir. Formula 1 yarışları ilə bağlı bu ay da yəqin ki, qiymətlərdə artım olacaq. Nə qədər artacağı bilinmir. Hələ ki, əlimizdə rəqəmlər yoxdur.Tələbələrin may ayında getməsilə əlaqədar isə ucuzlaşma qaçılmaz olur. Bahalaşma adətən avqustun axırları başlayır”. pizza mizza
Ekspert ərazilərə görə qiymət dəyişikliyindən də danışıb:
“Mərkəz və mərkəzətrafı ərazilərdə mənzillər bahadır. Bakı şəhəri üzrə 1 kvadratmetr 8 - 8, 20 manatdırsa, mərkəzdə qiymətlər 15-16, mərkəzə yaxın isə 10-12 manat arasında dəyişir. Uzaqlaşdıqca təbii ki, qiymətlər azalır”.
Əsmər Qabil
Telegram kanalımız
