Bu gün Azərbaycan Respublikası Dövlət Statistika Komitəsinin sədri Tahir Budaqov Birləşmiş Millətlər Təşkilatının (BMT) Uşaq Fondunun (UNİCEF) Azərbaycandakı Nümayəndəliyinin rəhbəri Edvard Karvardinlə görüşüb.
“Yeni Sabah” xəbər verir ki, görüşdə 2019-cu ildə UNİCEF tərəfindən ölkəmizdə həyata keçirilməsi planlaşdırılan əməkdaşlıq proqramı və Dövlət Statistika Komitəsi ilə UNİCEF arasında iki tərəfli əlaqələrin inkişafına dair məsələlər müzakirə olunub. Qonağı salamlayan Dövlət Statistika Komitəsinin sədri Tahir Budaqov Azərbaycan Prezidenti İlham Əliyevin rəhbərliyi ilə ölkəmizdə aparılan ardıcıl islahatların nəticəsi olaraq əldə olunan yüksək iqtisadi artımın özünü statistik göstəricilərdə göstərdiyini diqqətə çatdırıb. Komitə sədri milli statistika sisteminin təkmilləşdirilməsi və Avropa standartlarına uyğunlaşdırılması sahəsində görülən işlər və uğurla icra edilən layihələr barədə ətraflı məlumat verib.
Qeyd olunub ki, “Azərbaycan Hökuməti ilə BMT-nin Uşaq Fondu arasında 2016-2020-ci illər üçün Əməkdaşlıq Proqramı çərçivəsində 2018-2019-cu illəri əhatə edən dövr üçün birgə İş Planı” imzalanıb. BMT-nin Uşaq Nümayəndəliyinin rəhbəri Edvard Karvardin səmimi görüşə görə təşəkkürünü bildirib. Qeyd edib ki, UNİCEF Azərbaycanın dövlət qurumları, həmçinin Dövlət Statistika Komitəsi ilə fəal əməkdaşlıq edir. Edvard Karvardin Azərbaycan Hökuməti ilə BMT-nin Uşaq Fondu arasında 2016-2020-ci illər üçün Əməkdaşlıq Proqramı çərçivəsində həyata keçirilən tədbirlərdən də bəhs edib. Görüşdə Dövlət Statistika Komitəsi ilə UNİCEF arasında birgə əməkdaşlığın prioritetləri və qarşılıqlı maraq doğuran digər məsələlər ətrafında fikir mübadiləsi aparılıb. pizza mizza
Telegram kanalımız
