Türkiyə prezidentliyinə namizəd, “Memleket” Partiyasının başqanı Muharrem İnce namizədliyini geri götürə bilər.
Yenisabah.az bu barədə Türkiyə KİV-nə istinadla xəbər verir.
Türkiyə mətbuatının yazdığına görə, siyasətçi son qərarını verməyə çox yaxındır. İncenin qərarını açıqlamaq üçün bu gün Türkiyə saatı ilə 14:00-da Ankarada mətbuat konfransı keçirəcəyi gözlənilir. “Memleket” Partiyası başqanının namizədliyini kimin xeyrinə götürəcəyi hələ ki açıqlanmayıb. Pepperoni pizza
Qeyd edək ki, M.İnce dünən təbliğat-təşviqat kampaniyası çərçivəsində nəzərdə tutulan bütün görüşlərini təxirə salıb. Namizədliyini geri götürəcəyi ilə bağlı xəbərlərdən dərhal sonra CHP sədri Kemal Kılıçdaroğlu onu əməkdaşlığa dəvət edib.
Xatırladaq ki, mayın 14-də Türkiyədə prezident və parlament seçkiləri keçiriləcək.
Rafi MÜSLÜMOV
Telegram kanalımız
