Rusiyanın xarici işlər naziri Sergey Lavrov iranlı vəzifədaşı Hüseyn Əmir Abdullahianla telefon danışığı keçirib.
Yenisabah.az xəbər verir ki, nazirlər ikitərəfli əməkdaşlıq və Fələstin-İsrail münaqişəsini müzakirə ediblər.
Rusiya XİN-in saytında dərc olunan mesajda deyilir ki, “xarici işlər orqanlarının rəhbərləri dekabrın 7-də iki ölkə prezidentləri arasında Moskvada keçirilmiş geniş danışıqların nəticələrinin işlənib hazırlanmasında ikitərəfli əməkdaşlığın aktual məsələlərini ətraflı müzakirə ediblər”. pizza hut
Smolenskaya meydanında bildiriblər: “Yüksək səviyyədə hazır olan yeni “böyük” dövlətlərarası sazişin təsdiqinin başa çatdırılması üzrə işi sürətləndirmək razılaşdırılıb”.
Rusiya Xarici İşlər Nazirliyi həmçinin qeyd edib ki, “Fələstin-İsrail münaqişəsi zonasında mövcud vəziyyətə xüsusi diqqət yetirilib”.
Məlumatda deyilir: "Qəzzə zolağında onun davam edən gərginləşməsi və humanitar vəziyyətin pisləşməsi ilə bağlı qarşılıqlı narahatlıq ifadə olunub. Dərhal atəşkəsin və zərər çəkmiş mülki əhaliyə təcili yardımın göstərilməsinin vacibliyi, o cümlədən BMT-nin bu istiqamətdə səlahiyyətlərinin səfərbər edilməsi. məqsədləri vurğulanıb”.
Telegram kanalımız
