“Azərbaycan Turizm Assosiasiyası (AzTA)otellərin menecerlərinə tövsiyələr verib ki, bayram günləri süni qiymət artımına yol verməsinlər. Çünki süni qiymət artımı turistləri Azərbaycandan uzaqlaşdırır”.
Bu sözləri “Yeni Sabah” açıqlamasında AzTa-nın sədr müşaviri Müzəffər Ağakərimov ddeyib. Onun sözlərinə görə, bununla onlar qonşu ölkələrə, Gürcüstana, İrana gedirlər.
“Bu zaman bizdə turist artımı olmur. Kim ağıllı sahibkardır, idarəetməni düzgün qurur, o əlavə qazancı, əlavə xidmətlər göstərməklə əldə edə bilər. Nömrələrin və ya digər qiymətləri artırmaqla deyil, müxtəlif çeşidli, həm kəmiyyət, həm keyfiyyətcə xidmətlər göstərərək qazanmaq olar. Çünki gələn turistlər görürlər ki, qiymət 1 manat əvəzinə 5 manatdır, elə bilirlər ki, 365 gün həmin qiymətdir. Gələn dəfə tanışlarına digər ölkələrə getməyi tövsiyə edirlər. Pepperoni pizza
Monitorinqlər aparılıb. Hələlik qiymətlərdə artım müşahidə olunmur. Çünki otellər qiyməti qaldırarsa, rəqabət nəticəsində insanlar bu oteldən digərinə, bir restorandan başqasına üz tuta bilər. Novruz bayramı yaxınlaşanda bahalaşma ola bilər”.
M. Ağakərimov bildirib ki, xarici səfərlərdə qiymət artımı ola bilməz:
“Ən ucuz Türkiyə, İrandır. Xaricə getmək axını 2018-ci ildə az olub, əhalimiz əsasən, daxili turizmə üstünlük verib. Bunun səbəbi də devalvasiya, bir də Avropa ölkələrində təhlükəsizliklə bağlıdır. İnsanlar ailəlikcə respublika daxilində dincəlməyə üstünlük veriblər. Bu da daxili turizmin inkişafına təkan verir”.
Əsmər Qabil
Telegram kanalımız
