Ankaranın Rusiyadan aldığı S-400 zenit-raket kompleksləri ilə bağlı məsələ həll olunarsa, ABŞ Türkiyəni Amerikanın beşinci nəsil F-35 qırıcılarının istehsalı proqramına qaytarmağa hazırdır.
Yenisabah.az CNN Türk-ə istinadla xəbər verir ki, bunu ABŞ dövlət katibinin siyasi məsələlər üzrə müşaviri Viktoriya Nuland bildirib.
O qeyd edib: “Patriot" hava hücumundan müdafiə sisteminin satışı ilə bağlı danışıqlar prosesində idik, onlar davam edərkən Türkiyə fərqli istiqamətə getdi. Ona görə də bu gün bir neçə müzakirə apardıq. Şübhəsiz, S-400 problemini həll edə bilsək, bu, istədiyimizdir, ABŞ Türkiyəni yenidən F-35 ailəsinə qəbul etməkdən məmnun olacaq”. pizza hut
Nulandın sözlərinə görə, əvvəlcə başqa bir məsələ həlli və eyni zamanda, Türkiyəni güclü hava hücumundan müdafiə sistemi ilə təmin edilməlidir.
Telegram kanalımız
