“Sərhədlərin dəqiqləşdirilməsi həm Azərbaycan, həm də Ermənistan üçün lazımdır”.
Yenisabah.az “RİA Novosti”yə istinadla xəbər verir ki, bunu baş nazir səlahiyyətlərini icra edən Nikol Paşinyan Ermənistan hökumətinin iclasında deyib.
O, mayın 12-də Ermənistan Müdafiə Nazirliyi Azərbaycan silahlı qüvvələrinin Sünik bölgəsinin sərhəd bölgələrindən birində "sərhədləri aydınlaşdırmaq üçün" müəyyən işlər görməyə çalışdıqlarını bildirib. Eyni zamanda, Azərbaycan hərbçiləri tərəfindən hansı konkret işlərin aparıldığı dəqiqləşdirilməyib. pizza mizza
Ermənistanın baş naziri Nikol Paşinyan Rusiya Prezidenti Vladimir Putinə KTMT-dən bu vəziyyətlə bağlı məsləhətləşmə tapşırığı barədə məlumat verib. "Bölgənin sabitləşdirilməsi bizim üçün vacibdir. Sərhədlərin dəqiqləşdirilməsi Ermənistan üçün olduğu qədər Azərbaycan üçün də lazımdır. Sərhədlərin dəqiqləşdirilməsi, müəyyənləşdirilməsi və müəyyən bir mərhələdə demarkasiya və delimitasiya təhlükəsizliyin vacib qarantıdır".
Paşinyanın sözlərinə görə, bu asan bir proses deyil. "Bölgəmizdə bu prosesi tamamlayan ölkə yoxdur".
Baş nazir əlavə edib ki, ideal olaraq sərhədçilər dövlət sərhədinin mühafizəsi ilə məşğul olmalı və ordu bölmələri daimi yerləşdirmə yerlərinə çəkilməlidir.
Nikol Paşinyan hökümətin prioritetlərindən birinin regional rabitənin açılması olduğunu da əlavə edib.
Telegram kanalımız
