Ermənistan müstəqilliyinin ilk günündən bəri sülhə nail ola bilməyib.
"Yeni Sabah" Armenpress-ə istinadla xəbər verir ki, bunu Ermənistanın Baş naziri Nikol Paşinyan deyib.
O, hazırkı hökumətin 2018-ci ildə hakimiyyətə gəlməsindən əvvəl Ermənistanda sülhün olduğu, lakin hazırkı hökumətin öz hərəkətləri ilə müharibə gətirdiyi iddialarına münasibət bildirib: Marqarita pizza
"Bizdə müharibə var idi, çünki hər il itkilərimiz və yaralılarımız olurdu. Əsgərlər öləndə və yaralananda harada sülh görmüsünüz? Bizdə sülh yox idi, daim müharibələr və müharibənin davamlı təxirə salınması olurdu və bu təxirə salınma üçün son tarix 2016-cı ilin Aprel müharibəsi ilə elan edilmişdi. Amma Aprel müharibəsindən əvvəl hamımızın artıq bildiyi və dərc olunmuş Qarabağ nizamlanması üçün tamamilə yeni təkliflər paketinin olması da vacibdir".
Ermənistanın Baş naziri "Vətəndaş müqaviləsi" Partiyasının seçki kampaniyası ərəfəsində qeyd edib.
Onun sözlərinə görə, Qarabağ nizamlanması üçün çərçivə artıq 1996-cı ildə Lissabon Zirvə görüşündə müəyyən edilmişdi və Qarabağ məsələsi artıq həmin vaxta qədər həll olunmuşdu. Bütün bu gecikmələr və təxirəsalmalar ilk növbədə Ermənistan məsələsinin həllinə, yəni Ermənistan dövlətinin yaradılmasının qarşısını almağa yönəlmişdi:
"Biz məhz bunu anladıq və çox tez başa düşdük ki, Ermənistan tələyə düşüb və vəzifəmiz Ermənistanı bu tələdən çıxarmaq idi".
"Ermənistan Respublikası suveren dövlət olmamalı idi; ən yaxşı halda, müxtəlif yerlərdən nəfəs almaq üçün icazə alan banan dövləti olmalı idi. İndi hazırkı Ermənistanımızı qorumağın vaxtıdır", - deyə Paşinyan fikirlərini yekunlaşdırıb.
Telegram kanalımız
