Paşinyan Rusiyaya “müharibə” elan etdi: Putin Ermənistana müdaxiləyə hazırlaşır

Paşinyan Rusiyaya “müharibə” elan etdi: Putin Ermənistana müdaxiləyə hazırlaşır

Siyasət Veb saytların hazırlanması

09 Dekabr 2023 18:07 1645


“Ermənistanın MDB ölkələrinin iqtisadi şurasının Moskvada keçiriləcək 100-cü iclasına yüksək səviyyədə nümayəndə heyəti göndərməməsi, boykot etməsi ilk belə hal deyil. Rəsmi İrəvan artıq öz yolunu seçib. Qərbə gedən yol Rusiyadan keçmir”.

Yenisabah.az xəbər verir ki, bunu Globalinfo.az-a politoloq Qabil Hüseynli deyib.

Onun sözlərinə görə, Ermənistan bu davranışı ilə bir daha açıq-aşkar elan edir ki, o, Rusiyadan uzaqlaşmaq istəyir:

“Paşinyan hakimiyyətə gəldiyi ilk ildən etibarən Qərbə inteqrasiya yolunu tutub. Son illərdə isə bunu radikal formada büruzə verir. Hesab edirəm, onun MDB ölkələrinin iqtisadi şurasının Moskvada keçiriləcək 100-cü iclasına yüksək səviyyədə nümayəndə heyəti göndərməməsi də növbəti siyasi mesajdır.

Paşinyan faktiki olaraq Kremlə mesaj verir ki, Ermənistan nəinki Rusiyanın təsir dairəsindən çıxır, həm də artıq Moskvanın yaratdığı təşkilatlarda olmaq istəmir. Yəni İrəvanın tədricən MDB-dən çıxmaq hazırlıqları gördüyünü demək olar.

Lakin bu baş verərsə, Ermənistanı yaxşı heç nə gözləməyəcək. Kreml məhz bunu əsas gətirib, Ermənistana müdaxilə edə bilər”.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!