"Rusiya prezidenti Vladimir Putinin fevralın 20-də Federal Şura və Dövlət Dumasına illik müraciətini diqqətlə dinlədim. Gəldiyim qənaət budur ki, Putin 2000-ci ildən bu yana Rusiya iqtisadiyyatını inkişaf etdirməyə çalışsa da, əldə etdiyi nəticə cüzidir".
"Yeni Sabah" xəbər verir ki, bunu politoloq Elxan Şahin oğlu deyib. O bildirib ki, Putin Amerikanın tələsinə düşür:
"Putin özü də çıxışında etiraf etdi ki, Rusiyada hələ də 19 milyon insan yoxsulluq həddində yaşayır. Putin 18 ildir eyni sözləri deyir: “Yoxsulluqla qurtarmalıyıq”, “insanların həyat şəraitlərini artırmalıyıq”, “düşünmək üçün zamanımız yoxdur, hərəkətə keçməliyik” və s. Dəyişən bir şey yoxdur. pizza
Rusiyanın ağır iqtisadi və sosial vəziyyətinə rəğmən, Putin bu dəfə də ABŞ-a meydan sulamağı unutmadı. O hətta Amerikaya tuşlaya biləcək raketlərin adlarını çəkdi: “Avanqard”, “Peresvet”, “Kinjal”, “Burevestnik”, “Poseydon” və “Siklon”. Putin sonuncu raketin üzərində xüsusi dayandı. Nüvə başlığı daşıya bilən “Siklon” raketi 9 min kilometr məsafəyə qədər uçur. Bununla Putin demək istəyir ki, Rusiyanın raketləri nəinki Amerikanın Avropaladakı müttəfiqlərini, Amerikanın özünü də hədəfə götürəcək. Heç “soyuq müharibə” illərində Kremldən Vaşinqtona bu cür təhdidlər ünvanlanmırdı.
Putin Amerikanın tələsinə düşür. Amerikanın elə məqsədi odur ki, 19 milyon yoxsulu olan Rusiya öz maliyyəsini iqtisadiyyata deyil, bahalı raketlərə və başqa hərbi layihələrə xərcləsin. SSRİ-ni də vaxtilə bu yolla dağıtdılar.
Telegram kanalımız
