YENISABAH.AZ-a icazə verərək ən aktual xəbərləri dərhal öyrənə bilərsiniz.
İlk bilən siz olun!
Daha sonra
İcazə ver
Qərbi azərbaycanlıların bir araya gətirilməsi Haaqada müzakirə edildi

Qərbi azərbaycanlıların bir araya gətirilməsi Haaqada müzakirə edildi

Xalqın səsi

23 May 2022 21:10 8567


Haaqa şəhərində Qərbi Azərbaycanlılar İcmasının Avropa nümayəndəliyinin ilk toplantısı keçirilib.

Yenisabah.az xəbər verir ki, Niderland-Azərbaycan Türk Kültür Dərnəyinin qərargahında baş tutan toplantıda indiyədək görülən işlərdən və gələcək planlardan danışılıb.

Nümayəndəliyin sədri Sima Cəfərova, Niderland-Azərbaycan Türk Kültür Dərnəyinin rəhbəri İlhan Aşkın, toplantıya videobağlantı vasitəsilə qatılan Azərbaycan Qaçqınlar Cəmiyyəti və Qərbi Azərbaycan İcmasının beynəlxalq əlaqələr üzrə sədr müavini, dosent Həqiqət Hacıyeva və İH üzvləri çıxış edərək, Qərbi azərbaycanlılar probleminin birgə səylərlə Avropa ictimaiyyətinə çatdırılması məsələsini müzakirə ediblər. Qərbi azərbaycanlıların bir araya gətirilməsi məqsədilə Avropanın iri ölkələrində nümayəndəliyin filiallarının yaradılmasının böyük əhəmiyyət kəsb etdiyi nəzərə çatdırılıb.

Toplantı iştirakçıları 1988-ci ildə Ermənistan tərəfindən soydaşlarımızın vəhşicəsinə deportasıyası edilməsinə dünya ictimaiyyətinin və mediasının göz yumduğunu təəssüflə xatırladıblar. Beynəlxalq ictimaiyyətin diqqətinin belə məqamlara yenidən cəlb olunması istiqamətində güclü fəaliyyət göstərməyin, Qərbi azərbaycanlıların ermənilər tərəfindən tapdalanmış hüquqlarının bərpasının gündəmə gətirilməsinin çox vacib olduğu vurğulanıb.


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!