Azərbaycanın Fransadakı səfiri Leyla Abdullayeva "AzTV" əməkdaşlarına hücuma münasibət bildirib.
Yenisabah.az xəbər verir ki, səfir bu barədə tviter hesabında yazıb və hücumu qınayıb:
"Azərbaycan Televiziyasının əməkdaşlarına qarşı Parisdə baş verən hücumu qınayırıq. Jurnalistika fəaliyyətinə qarşı olan bu əməli törədənlərin tapılması və cəzalandırılması üçün tərəfimizdən müvafiq tədbirlər görüləcək". Sezar pizza
Qeyd edək ki, AzTV-nin əməkdaşı Fransada çəkiliş aparan zaman ona hücum edilib. Jurnalistə xəsarət yetirilib, texnikaları əllərindən alınıb. Dövlət televiziyası bununla bağlı bəyanat yayıb. Bəyanatda vurğulanıb ki, AzTV-nin əməkdaşları Fransada çəkiliş apararkən hücuma məruz qalıblar.
Hücumda müxbir və operator bədən xəsarətləri alıblar, çəkiliş kamerası isə əllərindən alınaraq sındırılıb. Əməkdaşlar kameranı geri tələb edərkən onları silahla hədələyiblər.
Telegram kanalımız
