Yulaf sağlam qidalanma vərdişləri arasında önəmli yer tutan məhsullardan biridir. Səhərlər yulaf yemək mədə, bağırsaq və ümumi sağlamlıq üçün olduqca faydalıdır. Xüsusilə həzm sistemi problemləri yaşayanlar, artıq çəki ilə mübarizə aparanlar və enerjili gün keçirmək istəyənlər üçün ideal seçimdir.
Yenisabah.az yulafın faydalarını təqdim edir:
Yulafın mədəyə və həzm sisteminə faydaları: Dominos pizza
Mədə selikli qişasını qoruyur – Yulaf tərkibindəki beta-qlükan adlı həll olunan liflər sayəsində mədənin qoruyucu qatını gücləndirir, qastrit və xora kimi xəstəliklərin qarşısını alır.
Mədə turşusunu balanslaşdırır – Yulaf mədə turşuluğunu azaldaraq yanğı hissinin və reflüksün qarşısını alır.
Bağırsaq fəaliyyətini tənzimləyir – Yulafın tərkibindəki liflər bağırsaq mikroflorasını yaxşılaşdırır və qəbizlik problemini həll etməyə kömək edir.
Uzun müddət toxluq hissi yaradır – Səhər yulaf yemək gün ərzində aclıq hissini azaldır və artıq çəkinin qarşısını alır.
Metabolizmi sürətləndirir – Liflə zəngin olması səbəbindən maddələr mübadiləsini sürətləndirir və yağ yandırılmasını artırır.
Yulaf necə yeyilməlidir?
Yulafı səhər yeməyində müxtəlif üsullarla hazırlamaq mümkündür. Mədə problemləri olanlar üçün yumşaq, bişmiş formada yemək daha uyğundur.
Suda və ya süddə bişmiş yulaf – 3-5 dəqiqə suda və ya süddə qaynadıb yeyə bilərsiniz. Həzm sistemi problemi olanlar üçün suda bişirmək daha yaxşıdır.
Yoğurtla qarışdırılmış yulaf – Səhərlər yoğurt və yulafı qarışdıraraq probiotik təsirini artıra bilərsiniz.
Bal və ya meyvələrlə birlikdə – Təbii dadlandırıcılar və meyvələr əlavə edərək daha ləzzətli və qidalı səhər yeməyi əldə edə bilərsiniz.
Blenderdə sıyıq halında – Xüsusilə mədə həssaslığı olanlar üçün yulafı su, süd və ya meyvələrlə blenderdən keçirib sıyıq şəklində içmək rahat həzm olunmasına kömək edər.
Kimlər yulafı daha çox yeməlidir?
- Mədə problemi olanlar (qastrit, xora və s.);
- Qəbizlik və bağırsaq problemləri yaşayanlar;
- Arıqlamaq istəyənlər;
- Enerjili gün keçirmək istəyənlər;
- Qan şəkərini stabil saxlamaq istəyənlər.
Nazim Hacıyev
Telegram kanalımız
