Sumqayıtda səkiləri kim satır? - Fotolar

Sumqayıtda səkiləri kim satır? - Fotolar

Xalqın səsi Veb saytların hazırlanması

12 Noyabr 2023 11:44 15757


Sumqayıtda qanunsuz küçə ticarəti ilə məşğul olanların küçədə piyada səkilərinin zəbt edilməsi böyük vüsət alıb. Vəziyyət o yerə çatıb ki, piyadalar onlar üçün nəzərdə tutulmuş səkilərlə rahat, maeəsiz gedib-gələ bilmir.

Bu haqda “Yeni Sabah”a Sumqayıt sakinləri öz şikayətlərində bildiriblər.

Onlar bildiriblər ki, yolun az qala təmiz tutulması heç cür yolverilməzdir.

“Küçə ticarəti ilə məşğul olunan bu kimi ərazilərdə həmçinin böyük səs-küy, antisanitariya şəraiti hökm sürür. Şəkillərdəki Sumqayıtın 13-cü mikrorayonu, Babək küçəsidir, amma belə acınacaqlı mənzərəyə şəhərin demək olar ki, hər yerində rast gəlmək olar. 

Məsələn, şəhərin mərkəzində, Heydər Əliyev prospektində, 2-ci mikrorayonda dayanacağın ətrafı Hindistanın tipik mənzərəsini xatırladır ki, bu da şəhərin görünüşünə də pis təsir edir.

Belə “toçkalar” şəhərdə çoxdur. Sumqayıt Şəhər Sanitar Gigiyena və Epidemiologiya Mərkəzi də belə yerlərdə yoxlama aparmır.

Həmçinin bu cür yerlərdə alıcılar çəkidə, pulda aldadılır, onlarla kobud davranılır, şikayətlərinə məhəl qoyulmur. Çünki, heç bu kimi hallara rəsmən nəzarət edilmir”.

 


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!
  • RAHİM
    HİSS OLUHUR Kİ DÖVLƏTİN QƏBUL ETDİYİ QANUNLARA TABE OLMAMAQ SUMQAYITDA ƏNƏNƏSİ BU GÜN DƏ ŞƏHƏRDƏ DAVAM EDİR. ŞƏHƏRDƏ PREZİDENTİN TƏLƏBLƏRİNƏ ƏMƏL EDİLMİR.
    3 months ago