İran prezidenti İbrahim Rəisi və Türkiyə Prezidenti Rəcəb Tayyib Ərdoğan arasında telefon danışığı olub.
Yenisabah.az IRNA-ya istinadla xəbər verir ki, İran lideri vəzifədaşını Fitr bayramı münasibətilə təbrik edib.
Prezident Rəisi vurğulayıb: "İslam Respublikasının siyasəti region ölkələri, xüsusilə Türkiyə ilə hərtərəfli əlaqələri əhəmiyyətli dərəcədə inkişaf etdirməkdir". Dominos pizza
O, Fələstində baş verən son hadisələri qəbuledilməz adlandıraraq deyib: "İslam ölkələrinin səyləri və müxtəlif beynəlxalq imkanlardan istifadə etməklə sionist rejimin Fələstin xalqına qarşı qeyri-insani hücumlarını dayandırmaq üçün hər cür səy göstərməliyik".
Türkiyə prezidenti Rəcəb Tayyib Ərdoğan, öz növbəsində, qeyd edib: “Ümid edirəm ki, bu bayram bütün İslam dünyası üçün sağlamlıq, firavanlıq və xoşbəxtlik mənbəyi olacaq”.
Tehrana səfər etmək arzusunu ifadə edən Ərdoğan deyib: "Türkiyə regional və beynəlxalq hadisələri müzakirə etmək, həmçinin ikitərəfli və beynəlxalq münasibətləri inkişaf etdirmək, xüsusilə də İran İslam Respublikası ilə ticarəti artırmaq üçün koordinasiya etməkdə maraqlıdır.
Telegram kanalımız
