“Prezident İlham Əliyevin Azərbaycanın ali təhsil və orta ixtisas təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində əyani təhsil alan tələbələrə təqaüdlərin verilməsi ilə bağlı sərəncamı təhsilə qayğının növbəti təzahürü kimi qiymətləndirilməlidir”.
Bunu Milli Məclisin Elm və təhsil komitəsinin üzvü, deputat Kamilə Əliyeva “Yeni Sabah”a açıqlamasında deyib. O bildirib ki, təqaüdlərin artırılması tələbələri ruhlandıracaq, gənclərin sosial vəziyyətinin yaxşılaşmasına səbəb olacaq:
“Elm-təhsil işçisi kimi daim tələbələrlə ünsiyyətdə olduğum üçün prezidentin təqaüdlərlə bağlı sərəncamının necə əhəmiyyətli olduğunu anlayıram. Təhsil həmişə siyasətimizin prioritet sahəsidir. Istər Heydər Əliyevin dövründə, istəsə də indi, həmin siyasət uğurla davam etdirilir və təhsilə diqqət yetirilir. Tələbələrin təhsil şəraitinin, maddi vəziyyətinin yaxşılaşdırılması ilə əlaqədar müxtəlif sərəncamlar imzalanır. Bu da növbəti sərəncam idi və valideynlər, tələbələr tərəfindən yüksək qiymətləndirildi. Bilirsiniz, tələbələrimizin əksəriyyəti müxtəlif rayonlarda təhsil alırlar, bəzilərinin ailə vəziyyəti, maddi durumu bu istiqamətdə çətinlik yaradırdı. Bu baxımdan tələbələrin təqaüdünün bu qədər artması özlərini hər istiqamətdə təmin etməklərinə səbəb olacaq. Təqaüdlər bütün istiqamətlərdə artırıldı – bakalavrlar, magistrlar, doktorantlar, prezident təqaüdləri... Ona görə də tələbələrim, onların valideynləri və öz adımdan prezidentə təşəkkür edirəm”. Toyuqlu pizza
Deputat təhsil sahəsində bundan sonra atılacaq addımlardan da söz açıb:
“Ümumiyyətlə, prezident İlham Əliyev daim təhsil sisteminə qayğı göstərir. Bu istiqamətdə islahatlar aparılır. Təhsil sistemi deyəndə yalnız ali məktəbləri deyil, digər kateqoriyaları da nəzərdə tuturam. Son zamanlar təhsil sahəsində kifayət qədər islahatlar aparılıb və bu da cəmiyyət tərəfindən müsbət qarşılanıb. Bu gün bizim təhsil sistemimiz artıq Avropa təhsil sistemi səviyyəsinə çatdırılıb. Güman edirəm ki, islahatlar davamlı olacaq”.
Günay Rəsulqızı
Telegram kanalımız
