Türkiyənin milli müdafiə naziri Hulusi Akar Rusiya ilə Ukrayna arasındakı gərginliyə münasibət bildirib.
“Report” “TRT Haber”ə istinadən xəbər verir ki, o, Ankaranın böhranın diplomatik yolla həllində maraqlı olduğunu deyib.
“Diplomatiya və dialoqun davam etdirilməsi və beləliklə, böhranın aradan qalxması hər birimizin arzusudur. Bunun üçün əlimizdən gələni edirik”, - nazir vurğulayıb. pizza hut
H.Akar, həmçinin Türkiyənin Ukraynanın ərazi bütövlüyünü dəstəklədiyini söyləyib: “Bizim Rusiya-Ukrayna böhranına münasibətimiz ilk gündən bəri açıq və konkretdir. Mövqeyimiz ən yuxarı səviyyələrdə-Prezident və nazirlər səviyyəsində həmişə dilə gətirilib. Biz ilk gündən etibarən Krımın işğalına qarşı olduğumuzu deyirdik. Regiondakı gərginliyin soyuqqanlı həllinin tərəfdarıyıq. Bu mənada Qara dəniz sahili ölkələrinin hüzur və rifah içində yaşamasını istəyirik. Bizim üçün həm Gürcüstanın, həm Ukraynanın ərazi bütövlüyü vacibdir”.
Telegram kanalımız
