Uşağınızın bütün dostlarını sevməyiniz real deyil. Gec-tez elə bir dostla qarşılaşacaqsınız ki, davranışları və ya təsirləri sizi narahat edəcək. Bu, kobudluq, uyğun olmayan vərdişlər və ya uşağınızın mənfi təsirlənəcəyi qorxusu ilə bağlı ola bilər. Birbaşa qadağa qoymaq isə, adətən, vəziyyəti daha da çətinləşdirir.
"Yeni Sabah" bildirir ki, Valideyn məşqçisi Sue Atkins və dörd uşaq anası, komediyaçı Ria Lina bu cür halları uşağınızı sizdən uzaqlaşdırmadan idarə etməyin üç yolunu tövsiyə edir.
1. Səbəbi dəqiqləşdirin Sezar pizza
Əvvəlcə özünüzdən soruşun: bu dostu niyə sevmirsiniz? Söhbət real təhlükədən – zorakılıqdan, riskli davranışdan gedir, yoxsa sadəcə xarakter və dəyər fərqidir? Atkins vurğulayır ki, əsəbi pozan məqamlarla həqiqətən zərərli olan davranışları ayırmaq vacibdir. Əgər təhlükə varsa, müdaxilə labüddür. Yox, əgər məsələ fərqli qayda və vərdişlərdirsə, istədiyiniz davranışlara özünüz nümunə olmalısınız.
Ria Lina bildirir ki, çox vaxt problem uşağın özündən yox, valideynlər arasında dəyər fərqindən qaynaqlanır. Belə hallarda qarşı tərəfin ailəsi ilə ünsiyyət qurmaq və ortaq yol tapmaq faydalı ola bilər.
2. Qadağa yox, dialoq
Atkins-ə görə, uşağa bir dostla görüşməyi qadağan etmək ən pis addımdır. Bu, həm etimadı zədələyir, həm də tərs effekt verə bilər. Əvəzində, uşağınızdan bu dostunda nəyi sevdiyini, birlikdə nələr etdiklərini soruşun və onu dinləyin. Bu, dostluğu təsdiqləmək deyil, aranızda güvən yaratmaqdır.
Danışıq zamanı səs tonu və bədən dili çox önəmlidir. Aqressiv və mühakiməedici yanaşma körpüləri yıxa bilər. Ria Lina isə tövsiyə edir ki, dostluğu qadağan etmədən, konkret olaraq hansı davranışları bəyənmədiyinizi və təkrarlanmasını istəmədiyinizi aydın şəkildə ifadə edin.
3. Sosial çevrəni genişləndirin
Əgər uşağınız yalnız bu dostluğa bağlı qalıbsa, onun yeni insanlarla tanış ola biləcəyi mühitlər yaradın: idman klubları, dərnəklər, məktəbdənkənar fəaliyyətlər və ailə görüşləri buna kömək edə bilər.
Unutmayın ki, əksər dostluqlar müvəqqətidir. Bəzən bu, sadəcə bir dövrün və ya inadın nəticəsidir. Müdaxilə etməzdən əvvəl vəziyyəti bir müddət müşahidə etmək də doğru yanaşma ola bilər.
Ən əsası isə, uşağınıza istədiyiniz dostluq modelini öz davranışlarınızla göstərin. Hörmət, nəzakət və sağlam sərhədlər valideyn nümunəsi ilə daha asan öyrənilir.
İlhamə Qasımlı
Telegram kanalımız
