Vatsap messenceri istifadəçilərə yeni funksiyanı təqdim etməyə hazırlaşır.
Modern.az xəbər verir ki, bu barədə məlumatı “WABetaInfo” dərc edib.
Məlumata görə, bununla da status yeniləmələrini daha asan paylaşmaq mümkün olacaq. Belə ki, yeni interfeys istifadəçilərə “mətn”, “video” və “fotoşəkil” bölməsi təqdim edəcək. Bu da müxtəlif media formatları arasında sürətlə keçid etməyə imkanı yaradacaq. pizza sifarişi
Məsələn, istifadəçi əvvəlcə mətn statusu paylaşmağı planlaşdırsa da, sonradan fikri dəyişə bilər. Mesajlarını fotoşəkillər vasitəsilə çatdırmaq qərarına gəldikdə, yeni funksiya vasitəsilə status yeniləmələri bölməsindən çıxmadan seçim edərək paylaşım edə biləcək.
Qeyd olunur ki, vatsap indi bu funksiyanı bəzi testerlər vasitəsilə sınaqdan keçirir, yaxın zamanlarda istifadəçilər üçün əlçatan olacaq.
Telegram kanalımız
