Yanvarın 31-də Milli Məclisin (MM) Aqrar siyasət komitəsinin iclası keçirilib.
Komitə sədri Eldar İbrahimov müzakirə olunan məsələlər barədə məlumat verib. E.İbrahimov deyib ki, komitə 2018-ci ilin payız sessiyasında 11 iclas keçirib, bu iclaslarda 27 məsələ, o cümlədən, 15 qanun layihəsi müzakirə olunub.
Onun sözlərinə görə, ötən dövrdə komitəyə 29 vətəndaş tərəfindən ərizə, şikayət və müraciət daxil olub.
Onlardan 17-si isə tədbir görülməsi üçün aidiyyəti üzrə müvafiq təşkilatlara göndərilib: “Həmin ərizələrin yeddisi kənd təsərrüfatı məsələləri və torpaq islahatı haqqında, digərləri isə sosial, işsizlik, səhiyyə, məhkəmə və vəzifəli şəxslərin fəaliyyətinə dair şikayətlərlə bağlı olub”.
Oxu.Az
Telegram kanalımız
