Xəbər verdiyimiz kimi paytaxtın Nizami rayonunda yerləşən “Diqlas” ticarət mərkəzində yanğın baş verib. Yanğında sahibkarlara ciddi ziyan dəyib. Fövqəladə hallar naziri Kəmaləddin Heydərov sahibkarlara kompensasiya verilib-verilməyəcəyinin sonrakı proses olduğunu qeyd edib.
Məsələ ilə bağlı iqtisadçı Natiq Cəfərli “Yeni Sabah”a açıqlama verib. O bildirib ki, normal qaydalara görə, “Diqlas” ticarət mərkəzindəki bütün obyektlər, daşınmaz əmlak, mal-mülklər sığortalanmalı idi:
“İnanmıram ki, həmin ticarət mərkəzində olan iş adamları və ya ticarətlə məşğul olan fiziki və hüquqi şəxslər sığortadan istifadə ediblər. Ona görə də sığorta yoxdursa və yanğından dəyən ziyanın geri qaytarılması sığorta şirkətləri vasitəsilə mümkün olmayacaq. Belə olduğu halda, dövlət yardımının olub olmayacağını gözləmək lazımdır. İlkin xəbərlərə görə, ticarət mərkəzində bəzilərinin yüz minlərlə manatlıq malı-mülkü yanıb. Hansısa bir işçinin, kiçik sahibkarın səhlənkarlığı nəticəsində yanğının baş tutduğu aşkarlansa belə həmin şəxslərin bu qədər dəymiş ziyanın geri qaytarılması istiqamətində addım atacağına da inanmıram. Sığorta yoxdursa, məhkəmə qərarları uzun çəkəcəksə - hətta indi araşdırmalara başlanılsa, bir neçə ildən sonra məhkəmə qərarları çıxarıla bilər – ona görə o insanların yeganə ümidi dövlət orqanlarına qalacaq. Hər şey həmin qurumlardan asılıdır. Açığı, dövlətin belə bir öhdəliyi də yoxdur. Sahibkarlara yalnız hər hansı yardımın edilməsi üçün yaradılmış dövlət komissiyasının təkliflə çıxış etməsini gözləmək qalır. Görünən odur ki, dəymiş ziyanın böyük hissəsi vətəndaşların çiyninə qalacaq”. Pepperoni pizza
Günay Rəsulqızı
Telegram kanalımız
