Ukraynada prezident seçkilərinin ikinci turunda “exit-poll”un nəticələrinə görə qalib gələn Vladimir Zelenski keçirdiyi brifinqdə maraqlı açıqlamalar verib.
“Yeni Sabah” xəbər verir ki, o Prezident Administrasiyasında kifayət qədər ixtisarlar aparacağını bəyan edib. “Andiçmə mərasimindən sonra kadr siyasəti ilə bağlı qərarlar verəcəyəm. Öncə Ukraynanın Baş prokuroru Lutsenkonu vəzifəsindən uzaqlaşdıracağam. Lutsenko köhnə komandadır, yeni simalar gətiriləcək”, - deyə Zelenski əlavə edib.
Qeyd edək ki, Ukraynada keçirilən prezident seçkilərinin ikinci turu ilə bağlı “exit-poll”un ilkin nəticələri açıqlanıb. pizza mizza
Ukraynanın yerli təşkilatlarının apardığı “exit-poll”un nəticələrinə görə, Vladimir Zelenski seçicilərin 73,2, Petro Poroşenko isə 25,3 faiz səsini toplayıb.
Mərkəzi Seçki Komissiyası isə yekun və rəsmi nəticələri mayın 1-dək elan edəcək.
Telegram kanalımız
