Xəbər verdiyimiz kimi “Sədərək” ticarət yarmarkasının yaxınlığında yerləşən məşhur “Meyvəli” bazarında kütləvi zəhərlənmə baş verib. Belə ki, 4 nəfər zəhərlənmə diaqnozu ilə xəstəxanaya çatdırılıb.
Yumurta hansı hallarda zəhərlənməyə səbəb ola bilər?
Tibb elmləri doktoru Adil Qeybulla “Yeni Sabah”a açıqlamasında zəhərlənmənin iki səbəbə görə baş verə biləcəyini deyib:
“Burda əsas məsələ zəhərlənmə səbəbinin salmonella, yoxsa qida toksiki infeksiyasının olub-olmamasının aşkar edilməsidir. Yumurtanın köhnə olması səbəbindən qida infeksiyasıyarana bilər. Bəzən isə yumurtanın öz tərkibində infeksiyalar- salmonellalar olur, bu da mədə-bağırsaq infeksiyası yaradır. Lakin çox güman ki, burda yumurtanın saxlanılma qaydaları pozulub. Belə hallara rast gəlməmək üçün qidaların saxlanılması ilə bağlı təlimatlara riayət etmək lazımdır. Zəhərlənmə həqiqətən yumurtadan baş veribsə, məsələ ilə bağlı ölçü götürülməli, faktla bağlı araşdırmalar aparılmalıdır”.
Sabrina
Telegram kanalımız
