Azərbaycan tarixinin şanlı səhifəsi olan 8 noyabr Zəfər gününün 5 illiyi Qara Qarayev adına Mərkəzi İncəsənət Məktəbi şagirdlərinin təqdimatında öz bayram şöləni ilə Beynəlxalq Muğam Mərkəzinin səhnəsində təqdim olundu.
“Azərbaycan zəfəri” adlanan konsert proqramı zəfər əhval-ruhiyyəli musiqi töhfələri ilə dinləyicilərinin təbrikinə gəldi. Çıxış edən hər bir iştrakçı vətən ətirli əsərlərlə mükəmməl ifalar nümayiş etdirərək, Azərbaycan Zəfərinin sevincini həm yaşadı, həm də yaşatdı.
Tədbiri giriş sözü ilə açan Qara Qarayev adına Mərkəzi İncəsənət Məktəbinin direktoru, sənətşünaslıq üzrə fəlsəfə doktoru, professor Könül Hüseynova 8 Noyabr - 44 günlük Vətən müharibəsi, Zəfər Gününün şərəfli tarixini işıqlandıraraq, Prezident İlham Əliyevin bu qalibiyyətin qazanılmasında misilsiz xidmətlərini vurğuladı. pizza
Tədbirin aparıcısı Qara Qarayev adına Mərkəzi İncəsənət Məktəbinin nəzəriyyə şöbəsinin müdiri, musiqişünas Nərgiz Kərimova Zəfər gününə həsr olunmuş şeirlərini səsləndirərk konsertin proqramına poetik ruh bəxş etdi. Qeyd edək ki, “Azərbaycan zəfəri” konserti həmçinin nəfis video tərtibatı ilə də seçilirdi.
Konsertin bədii hissəsi Q.Qarayev adına Mərkəzi İncəsənət Məktəbinin rəqs kollektivinin təqdimatında Ü.Hacıbəylinin “Arşın mal alan” operettasından Müqəddiməsi ilə açıldı.
Daha sonra konsert proqramı “Qarabağ” mahnısı, Azərbaycan xalq ritmləri, H.Rzayev ”Çahargah rapsodiyası” , T.Bakıxanov “Xəzər balladası” baletindən “Neft fəvvarələrinin rəqsi”, Ü.Hacıbəyli .”Çağırış”, Manuel de Falya “Rəqs”, “Xarı bülbül” rəqsi, A.Əliyev “Adajio”, “Qarabağ şikəstəsi “, F.Əmirov. “1001 gecə” baletindən “Şəhrizadın şənliyi”, “Orgiya” , “Xudayar təsnifi” , Misri , “Vətən övladları” və Cəngi rəqsi ilə növbələşərək əsrarəngiz bir çələng yaratdı.
Tədbirin fəxri qonaqları olan şəhid ailələri və qazilər məktəb rəhbərliyinə göstərdiyi qayğı və diqqətə görə dərin təşəkkürünü bildərək, yüksək səviyyəli tədbirlə bağlı ürək sözlərini bölüşdülər.
Doğma Vətən Azərbaycanımızın Zəfər gününü musqili töhfələrlə vəsf edən Qara Qarayev adına Mərkəzi İncəsənət Məktəbi keçirtdiyi yüksək səviyyəli tədbirlə dinləyicilərinin yaddaşına silinməz izlər buraxdı.
Musiqişünas Nərgiz Kərimova
Telegram kanalımız
