Ukrayna Rusiya ilə sülh sazişinin bir hissəsi kimi neytral statusu qəbul etməyə hazırdır.
Yenisabah.az xəbər verir ki, bunu Ukrayna Prezidenti Volodimir Zelenski bazar günü müstəqil rus jurnalistlərə müsahibəsində deyib.
"Təhlükəsizlik zəmanətləri və dövlətimizin neytral, qeyri-nüvə statusu kimi məsələləri qəbul etməyə hazırıq. Bu, ən vacib məqamdır", - Zelenski bildirib. Marqarita pizza
Prezident jurnalistlərə deyib ki, bu, Rusiya Federasiyası üçün ilk prinsip idi: "Yadımdadır ki, onlar müharibəyə buna görə başlayıb".
Onun sözlərinə görə, istənilən razılaşma Ukrayna xalqına referendumda təqdim edilməlidir. Zelenski bir daha konkret sülh razılaşması əldə etmək istəyini vurğulayıb. Prezident, həmçinin deyib ki, sülh danışıqlarında Donbas və Krım məsələləri müzakirə edilməli və həll edilməlidir.
Telegram kanalımız
