Anasının döydüyü 16 yaşlı qız sosial reabilitasiya şöbəsinə yerləşdirildi

Anasının döydüyü 16 yaşlı qız sosial reabilitasiya şöbəsinə yerləşdirildi

Sosial Veb saytların hazırlanması

02 Dekabr 2023 12:27 478


Sosial şəbəkədə 16 yaşlı qızın döyülərək evdən qovulması ilə bağlı xəbər yayılıb.

Yenisabah.az xəbər verir ki, Sosial Xidmətlər Agentliyi bu məsələyə aydınlıq gətirib.

Sözügedən yeniyetmə agentliyin müvafiq müəssisəsinin məişət zorakılığından zərər çəkmiş şəxslər üçün sosial reabilitasiya şöbəsinə yerləşdirilib. Onunla bağlı ilkin qiymətləndirmə aparılır, zəruri ilkin tibbi yardım həyata keçirilir.

Xatırladaq ki, Daxili İşlər Nazirliyinin məsələ ilə bağlı yaydığı məlumatda qeyd edilmişdi ki, peşə məktəblərinin birində təhsil alan 2007-ci il təvəllüdlü şagirdin xəsarət alması barədə ərazi üzrə Nərimanov Rayon Polis İdarəsinin 17-ci Polis Şöbəsinə məlumat daxil olub:

“Polis əməkdaşları tərəfindən araşdırma aparılan zaman məktəbliyə xəsarətin anası tərəfindən yetirildiyi müəyyən edilib. Xəsarətlə bağlı ekspertiza təyin edilib, təhqiqat araşdırmaları aparılır. Həmçinin, məsələ ilə bağlı rayon icra hakimiyyətinin yetkinlik yaşına çatmayanların işləri və hüquqlarının müdafiəsi üzrə komissiyasına məlumat verilib”.


Telegram kanalımız

Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!