ABŞ prezidenti Co Bayden Belarus hakimiyyətinə qarşı sanksiyalar rejimini uzadıb.
Yenisabah.az xəbər verir ki, bu barədə Ağ Evin yaydığı bəyanatda deyilir.
“Belarus hökumətinin ayrı-ayrı üzvlərinin və digər şəxslərin hərəkətləri və siyasəti, o cümlədən Belarus rejiminin zərərli fəaliyyəti və sui-istifadəsi ABŞ-ın milli təhlükəsizliyi və xarici siyasəti üçün qeyri-adi və yersiz təhdid yaratmaqda davam edir. Pepperoni pizza
Ona görə də mən qərara gəldim ki, Belarusa qarşı elan edilmiş fövqəladə vəziyyət rejimi davam etdirilməlidir”, - deyə Co Baydenin bəyanatında qeyd olunur.
Xatırladaq ki, ABŞ-ın Belarusa qarşı sanksiyaları 2006-cı ildə prezident Corc Buş tətbiq edib. 2006-cı il iyunun 16-da ABŞ Konqresinə müraciətində Buş prezident Aleksandr Lukaşenkonun və digər 9 yüksək rütbəli Belarus məmurunun hesablarının dondurulmasını əmr edərək ABŞ vətəndaşlarına onlarla biznes qurmağı qadağan edib.
Telegram kanalımız
