Rəcəb Tayyib Ərdoğan rusiyalı vəzifədaşı Vladimir Putinlə telefon danışığı aparıb və "Crocus City Hall"da terror aktı və insanların ölümü ilə bağlı başsağlığı verib.
Yenisabah.az xəbər verir ki, bu barədə Türkiyə Prezidenti Administrasiyası məlumat yayıb.
Prezident Ərdoğan Moskvada baş verən terror aktı ilə bağlı Putinə dərin hüznlə başsağlığı verib. Türkiyə Prezidenti günahsız insanlara qarşı törədilən mənfur terror aktını kəskin şəkildə pisləyib və Rusiya xalqına başsağlığı verib, səbr diləyib. Toyuqlu pizza
Ərdoğan terror hücumunun bölgədəki böhranları ən qısa müddətdə sülh yolu ilə başa çatdırmağın lazım olduğunu nümayiş etdirdiyini söyləyib.
O qeyd edib ki, Türkiyə istisnasız olaraq bütün növ və təzahürlərə qarşı durmağın vacibliyini anlayaraq, terrorizmlə mübarizə sahəsində Rusiya ilə əməkdaşlığı inkişaf etdirməyə hazırdır.
Telegram kanalımız
