"Ermənistanın Kəlbəcərdə istiqamətində dövlət sərhəddində atəşkəsi pozması bir neçə prosesdən qaynaqlanır".
Yenisabah.az xəbər verir ki, bu barədə danışan politoloq Məhəmməd Əsədullazadə həmin prosesləri sadalayıb:
"Birinci, Azərbaycanın sərhəddə möhkəmlənməsinə mane olmaq pizza sifarişi
İkinci, Fransa və Rusiyanın təhriki ilə Minsk qrupu həmsədrləri çərçivəsində danışıqların bərpasına nail olmaq.
Üçüncü, Azərbaycan tərəfinin tələbələrinin əksinə olaraq böhranı davam etdirmək.
Dördüncü, Beynəlxalq müstəvidə münaqişənin bitmədiyini və Azərbaycanın Ermənistan ərazisində olduğunu görüntüsünü yaratmaqdır".
Politoloqun sözlərinə görə, Moskva görüşündən sonra Rusiya rəhbərliyinin obyektiv açıqlamalarına baxmayaraq Kreml iki ölkə arasında sülh sazişinin imzalanmasında maraqlı deyil:
"Məhz Rusiyanın müdafiə nazirinin müavini Ermənistanda olduğunu nəzərə alsaq, erməni silahlı qüvvələrinin atəşkəsi pozması təsadüfi deyil.
Hazırda Azərbaycana ciddi təzyiqlər var. Cənubi Qafqazda Avropa ittifaqı, ABŞ, Rusiya, Fransa hətta İranda öz maraqlarını qabarıq surətdə göstərir. Və hər biri problemi körükləməklə öz mövqelərinə uyğun olaraq idarə etməyə çalışır. Ermənistanın mövqelərinə uyğun olaraq Azərbaycana təzyiq siyasəti həyata keçirilir. Məhz sərhəddə baş verənlər Ermənistana bu və ya digər müstəvidə siyasi dəstəyin nəticəsidir. Amma, bu kimi siyasi dəstək Ermənistanı daha da daxili siyasi böhrana yuvarlanmasına səbəb olacaq".
"Bu təzyiqlər fonunda Türkiyə Azərbaycan tandeminin proseslərdə uğurlu qalibiyyət əldə etməsi mümkündür. Ermənistanın bütün cəhdləri nəticəsiz qalacaq. Azərbaycanın Minsk qrupunun fəaliyyəti və digər şərtlərlə razılaşması gözlənilmir", - deyə M.Əsədullazadə fikirini tamamlayıb.
Telegram kanalımız
