İbrahim Rəisi yanvarın ilk günlərində Türkiyəyə gedəcək

İran prezidenti İbrahim Rəisi yanvarın 4-də Türkiyəyə səfər edə bilər.

Yenisabah.az Hürriyet-ə istinadla xəbər verir ki, heç bir dəyişiklik olmasa, səfər təyin olunmuş tarixdə baş tutacaq.

İ. Rəisinin Türkiyəyə səfəri artıq bir dəfə təxirə salınıb. Toyuqlu pizza

Noyabrın 13-də Türkiyə prezidenti Rəcəb Tayyib Ərdoğan Rəisinin noyabrın 28-də səfərinin, eləcə də Yüksək Səviyyəli Əməkdaşlıq Şurasının iclasının gözlənildiyini açıqlayıb. Lakin İran prezidenti həmin vaxt Ankaraya gəlməyib.

İranın xarici işlər naziri Hüseyn Əmir Abdullahianın izah etdiyi kimi, səfər BMT Təhlükəsizlik Şurasının Qəzza zolağındakı vəziyyətlə bağlı iclası ilə əlaqədar təxirə salınıb.

Daha sonra Türkiyənin xarici işlər naziri Hakan Fidan bildirib ki, Rəisi Yüksək Səviyyəli Əməkdaşlıq Şurasının 8-ci iclası ilə əlaqədar Türkiyəyə tezliklə səfər edəcək.