BMT Təhlükəsizlik Şurası (TŞ) aprelin 2-də İsrailin Suriyada İranın diplomatik obyektinə hücumu ilə bağlı açıq iclas keçirəcək.
Yenisabah.az xəbər verir ki, toplantı Rusiyanın xahişi ilə baş tutacaq.
Bunu Rusiya Federasiyasının BMT-dəki daimi nümayəndəsinin birinci müavini Dmitri Polyanski deyib. Dördpendirli pizza
“İsrailin İranın Dəməşqdəki konsulluğuna hücumundan sonra iranlılar bu hərəkəti pisləmək üçün BMT Təhlükəsizlik Şurasına müraciət ediblər. İranlıların məktubunun davamı olaraq BMT Təhlükəsizlik Şurasının açıq iclasının keçirilməsini xahiş etdik. Malta Prezidentliyi bunu aprelin 2-də Nyu-York vaxtı ilə saat 15:00-a təyin edib”, – deyə o, "Telegram" kanalında yazıb.
Bundan əvvəl İranın BMT-dəki nümayəndəliyi İsrailin İranın Dəməşqdəki konsulluğuna hücumunu “qorxaq terror aktı” və BMT Nizamnaməsinin kobud şəkildə pozulması adlandırıb və dünya təşkilatının Təhlükəsizlik Şurasını yəhudilərin hücumunu pisləməyə və tədbir görməyə çağırıb.
Telegram kanalımız
