Benyamin Netanyahu Qəzza zolağında münaqişəyə son qoymaq üçün üç şərtin adını çəkib. Bu, HƏMAS-ın dağıdılması, anklavın demilitarizasiyası və deradikallaşdırılmasıdır.
Yenisabah.az The Wall Street Journal-a istinadla xəbər verir ki, İsrailin baş naziri qeyd edib:
“Həmas məhv edilməli, Qəzza silahsızlaşdırılmalı və Fələstin cəmiyyəti deradikallaşdırılmalıdır. Bunlar Qəzza zolağında İsrail və onun Fələstinli qonşuları arasında sülh üçün üç ilkin şərtdir”. Dominos pizza
Onun sözlərinə görə, ABŞ, Böyük Britaniya, Fransa, Almaniya və bir çox başqa ölkələr İsrailin radikal Fələstin hərəkatını məhv etmək niyyətini dəstəkləyir. “Bu məqsədə çatmaq üçün onun hərbi imkanlarını aradan qaldırmaq və Qəzza zolağı üzərində siyasi üstünlüyünə son qoymaq lazımdır”, - deyə baş nazir qeyd edib.
Netanyahunun qeyd etdiyi kimi, anklavı demilitarlaşdırmaq üçün “Qəzza zolağının perimetri boyunca müvəqqəti təhlükəsizlik zonası və Qəzza zolağı ilə Misir arasındakı sərhəddə yoxlama mexanizmi yaratmaq lazımdır ki, bu da Qəzzaya silah qaçaqmalçılığının qarşısını alacaq.
Məqalədə yəhudi baş nazir onu da qeyd edib ki, Fələstin vətəndaş cəmiyyətinin “xalqı terroru maliyyələşdirməkdənsə, ona qarşı mübarizəni dəstəkləmək üçün transformasiya edilməlidir”. “Həmas məhv edildikdən, Qəzza zolağı silahsızlaşdırıldıqdan və Fələstin cəmiyyəti deradikalizasiya prosesinə başladıqdan sonra Qəzza bərpa oluna bilər və Yaxın Şərqdə daha geniş sülh perspektivləri reallığa çevriləcək”, - Netanyahu yekunlaşdırıb.
Baş nazir dekabrın 24-də bəyan edib ki, İsrail Qəzza zolağında hərbi əməliyyatlarını genişləndirir və anklavda hakim olan radikal Həmas hərəkatı üzərində qələbə çalana qədər müharibəni davam etdirəcək. Həmin gün İsrail ordusunun sözçüsü Daniel Hagari bildirib ki, İsrail hərbçiləri Qəzza zolağının cənubundakı Xan Yunis şəhəri ərazisində əməliyyatlarını dərinləşdirir, irəlilədikcə radikal tunellər aşkarlayır.
Telegram kanalımız
