Bakı Ermənistan ərazisindən Naxçıvana (Zəngəzur dəhlizi) ekstraterritorial dəhlizin açılmasını tələb etmir, lakin İrəvanın bu hissədə hərəkətin təhlükəsizliyinə etibarlı təminat verməsini təkid edir.
Yenisabah.az Interfax-a istinadla xəbər verir ki, bunu Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirib.
O, Hudson İnstitutunda Maykl Doran və Lyuk Coffinin təşkil etdiyi müzakirə zamanı deyib: “Biz etiraf edirik ki, bu, Ermənistanın suveren ərazisidir... başqa bir məsələ onların (rəsmi İrəvan - red.) ərazidə nəqliyyatın hərəkəti təhlükəsizliyi necə təmin edəcəyidir”. Pepperoni pizza
“Biz təkid edəcəyik ki, Ermənistan Azərbaycanın əsas hissəsindən Naxçıvana qatara minən hər bir sərnişinin təhlükəsizliyi üçün bizə etibarlı təminat verilsin”, - deyə Azərbaycan Prezidentinin xüsusi nümayəndəsi əlavə edib.
O bildirib ki, əgər Ermənistan prosesi ləngitmək istəsə, bu halda “B” planı işə düşəcək – marşrut İrandan keçəcək.
Telegram kanalımız
