"ABŞ hökuməti İranın keçmiş ABŞ dövlət katibinə qarşı təhdidlərini ciddi qəbul edir".
Yenisabaha.az "The Washington Free Beacon"a istinadla xəbər verir ki, bunu bir anonim qalmaq istəmiş ABŞ rəsmisi bildirib.
Onun sözlərinə görə, Mayk Pompeoya sui-qəsd təhdidi qüvvədə qalıb. Dominos pizza
Bir neçə gün əvvəl "Twitter"də İran hökumətinə bağlı olduğu hesab edilən səhifədə Pompeo qorxu içində yaşaması ilə hədələnib.
Səhifədə Pompeonun fotosu yerləşdirərək bu cümlə yazılıb: “Qorxu içində yaşa, qorxaq!”.
“Bu yazı göstərir ki, İran Qasım Süleymaninin öldürüldüyü pilotsuz təyyarə zərbəsindəki roluna görə Pompeonu hədələyir”, - deyə rəsmi vurğulayıb.
Dövlət Departamentinin sözçüsü Ned Prays da deyib ki, Vaşinqton təhdidləri ciddi qəbul edir. Onun sözlərinə görə, İran hər hansı ABŞ rəsmisinə hücum edərsə, ağır nəticələrlə üzləşəcək:
"Səhv etməyin. Birləşmiş Ştatlar öz vətəndaşlarını qoruyacaq və müdafiə edəcək. Bu siyahıya hazırda ABŞ-da xidmət edən məmurlar və keçmişdə xidmət etmiş şəxslər daxildir”.
"Biz təhdidlərə və gərginliyin artmasına qarşı qətiyyətimizdə həmrəyik", - o əlavə edib. Biz xalqımızın müdafiəsində birləşmişik. Əgər İran vətəndaşlarımızdan birinə hücum edərsə, bunun ağır nəticələri olacaq”.
Telegram kanalımız
