Özünü buraxmış qondarma rejimin keçmiş “rəhbər”i Samvel Şahramanyan Qarabağdan Ermənistana köçdükdən sonra dünən axşam saatlarında tanınmayan “DQR”in Ermənistandakı nümayəndəliyində geniş məsləhətləşmələr keçirib.
Yenisabah.az xəbər verir ki, bu barədə “Joqovurd” məlumat yayıb.
Qəzet bildirib ki, məsləhətləşmənin gündəliyində separatçı rejim “rəhbər”i tərəfindən bir sıra mühüm mövzular müzakirə edilib. Xankəndidə olarkən quzuya dönən, öz nümayəndələrini Yevlaxa azərbaycanlılarla görüşə göndərən separatçı lider İrəvanda "kükrəyib". O, qondarma respublika uğrunda mübarizəni davam etdirəcəklərini deyib: Dördpendirli pizza
“Samvel Şahramanyan “Artsax”ın və ümumiyyətlə, siyasi elitanın qarşısında duran prioritet məsələləri təqdim edib. Bu, ilk növbədə, Bakıdakı “Artsax” “liderlər”inin qaytarılması istiqamətində atılacaq addımlardır. “Prezident” bu məqsəd üçün istənilən platformadan və vasitədən istifadə etməyi tapşırıb”.
KİV yazır ki, məsləhətləşmələrin ikinci hissəsi isə Qarabağdan Ermənistana köçən yerli ermənilərin sosial problemlərinin həlli və onların işlə təmin olunması məsələsi olub.
Rafi MÜSLÜMOV
Telegram kanalımız
