İsrail Qəzza zolağında maksimum 10 günlük atəşkəsə razıdır.
Yenisabah.az “The Times of Israel”ə istinadla xəbər verir ki, bu müddət ilk girovların azad edildiyi andan hesablanacaq.
İsrail bu qərarla birlikdə siyahısı dərc edilən 300 fələstinli məhbusu yalnız 100 israilli girovun sağ-salamat azad edilərək İsrail tərəfinə təhvil verilməsi şərti ilə azad edəcəyini vəd edir. Pepperoni pizza
Mübadilə iki mərhələdə həyata keçiriləcək. Birinci mərhələdə dörd raundda, 10 və ya daha çox qrupda 50 girov 150 məhbusla dəyişdiriləcək. Atəşkəsin bütün 4 gün davam edəcəyi gözlənilir.
İkinci mərhələdə, əgər bununla bağlı razılıq əldə olunarsa, gündəlik mübadilələr davam edəcək və İsrail 50 əlavə girov müqabilində 150-yə qədər fələstinlini azad etməyə hazır olacaq və hər 10 nəfər üçün hərbi əməliyyatlarda əlavə 24 saatlıq fasilə vəd edəcək.
İsrail güman edir ki, məhbusları yalnız növbəti girovlar qrupu ona təhvil verildikdən sonra azad edəcək.
Mübadilə başa çatdıqdan sonra İsrail HƏMAS və Fələstin "İslami Cihad"ının hərbi gücünü məhv etmək və qalan girovların geri qaytarılmasına şərait yaratmaq məqsədi ilə Qəzza zolağında dərhal hərbi əməliyyatları bərpa edəcək. 300 fələstinli məhbus siyahısından biri vaxtında dəyişdirilməsə, onlar həbsdə qalacaqlar.
Bütün mərhələlərdə qərar qəbul edənlər Baş nazir Benyamin Netanyahu, müdafiə naziri Yoav Gallant və Müdafiə Kabinetinin naziri Benni Qantz olacaq.
İsrail və HƏMAS arasında atəşkəs və məhbusların mübadiləsinə dair razılaşma noyabrın 22-nə keçən gecə məlum olub.
Telegram kanalımız
