“Rusiya sərhədçilərinin Ermənistan-Azərbaycan sərhədi boyunca yerləşdirilməsinin həyata keçirilməsindəki problemlərdən biri də tərəflərin qarşılıqlı etibarının olmaması ilə üst-üstə düşən beynəlxalq hüquqi rəsmiliyin olmamasıdır”.
Yenisabah.az xəbər verir ki, bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksandr Bikantov Ermənistanın Baş naziri Nikol Paşinyanın təklifini şərh edərkən bildirib.
O qeyd edib ki, son vaxtlar Ermənistan-Azərbaycan sərhədinin müəyyən hissələrində silahlı insidentlərin artması Rusiyanı ciddi narahat edir. pizza sifarişi
“Onların hər iki tərəfdən itkilərlə müşayiət olunması xüsusi narahatlıq doğurur. Təəssüf ki, atılan bütün addımlara baxmayaraq, sərhəddəki gərginlik hələ də səngiməyib. Bununla əlaqədar olaraq, bütün tərəfləri vəziyyətin daha da pisləşməsi ilə nəticələnəcək hər hansı bir hərəkətdən çəkinməyə çağırırıq. Yaranan bütün məsələlər yalnız diplomatik yolla sülh yolu ilə həll edilməlidir. Rusiya Ermənistan-Azərbaycan sərhədində vəziyyətin normallaşması prosesinə, o cümlədən deeskalasiya tədbirləri, sərhədin delimitasiyası və demarkasiyası üzrə birgə işlərə başlamaqla öz töhfəsini verməyə hazırdır. Bu səylər, bölgədəki iqtisadi və nəqliyyat əlaqələrinin açılması, həm də cəmiyyətlərarası dialoqun stimullaşdırılması ilə birlikdə, Rusiya, Ermənistan və Azərbaycan liderlərinin bəyanatlarına uyğun olaraq Cənubi Qafqaz sabitlik, təhlükəsizlik və firavanlıq bölgəsinə çevrilməsinə kömək edəcək”.
Telegram kanalımız
