Rusiya Xarici İşlər Nazirliyinin rəsmi nümayəndəsi Mariya Zaxarova Şərq İqtisadi Forumu (ŞİF) çərçivəsində bəyan edib ki, Rusiya ilə mübahisə Ermənistan üçün fəlakətlidir.
Yenisabah.az TASS-a istinadla xəbər verir ki, XİN sözçüsü son vaxtlar Ermənistanla Rusiya arasındakı ziddiyyətlərə toxunub.
Onun sözlərinə görə, Rusiya Ermənistan rəhbərliyinin “iki ölkə xalqları arasında mübahisə yaratmaq kimi fəlakətli planlarının olmadığını” gözləyir. pizza mizza
“Ümid edirəm ki, bu baş verməz. Mən ürəkdən ümid edirəm ki, Ermənistan rəhbərliyində heç kimin belə bir məqsədi və problemi yoxdur. Çünki, fikrimcə, bu, Ermənistan üçün fəlakətli olardı”, – Zaxarova bildirib.
Rusiya Xarici İşlər Nazirliyinin mətbuat katibinin sözlərinə görə, Rusiya tarixən nəinki özünü göstərib, hətta özünü Ermənistanın və erməni xalqının etibarlı müttəfiqi, dostu və ən yaxın tərəfdaşı kimi təsdiqləyib, ən çətin anlarda onlara yardım və köməklik göstərib.
“Rusiya hər zaman Ermənistanın nailiyyətlərinə sevinməyi və onun seçimini qəbul etməyi bilirdi, hətta heç bir qərarı bölüşməsə belə...”, – Zaxarova vurğulayıb.
“Lakin Rusiya daim bu ölkənin suveren seçiminə hörmət etdiyi üçün onun addımlarını qəbul edib. Bizdə belə düşünürlər, belə hiss edirlər və Ermənistana, erməni xalqına sevgi ilə yanaşırlar. Lakin buna baxmayaraq, hər şeyin üstündən xətt çəkməyə dəyərmi? Ürəkdən ümid edirəm ki, Ermənistan rəhbərliyində heç kimin belə planları yoxdur”, - deyə o bildirib.
Telegram kanalımız
