Ermənistan-Rusiya münasibətlərindəki hazırkı vəziyyət güclü emosional fonla xarakterizə olunur, lakin bu emosiyalara təslim olmamaq vacibdir.
Yenisabah.az xəbər verir ki, bunu Rusiyanın Ermənistandakı səfiri Sergey Kopırkin Ermənistanın İctimai Televiziyasına müsahibəsində bildirib.
O, "Sputnik Armenia" radiostansiyasına dair yaranmış vəziyyəti şərh edib. Dekabrın 20-də Ermənistan Televiziya və Radio Komissiyası həmin radiostansiyasının yayımını 30 gün müddətinə dayandırmaq, “Tospa” təkrar yayım radiostansiyasını isə bir ay müddətinə lisenziyadan məhrum etmək barədə qərar qəbul edib. Şirkət, həmçinin 500 min dram cərimələnib. Toyuqlu pizza
ER qərarının səbəbi 17 noyabr 2023-cü il tarixli “Tiqran Keosayan ilə cümə” verilişində müəllifin ölkənin və xalqın şərəf və ləyaqətini alçaldan, istehzalı ifadələr işlətdiyi iddia edilib. Cərimə isə keçmiş deputat Arman Abovyanın “Abovyan Time” adlı müəllif proqramı ilə bağlıdır, komissiyanın fikrincə, etibarsız, yoxlanılmamış məlumatlar var.
Səfir ikitərəfli münasibətlərin yaxşılaşmasına töhfə verməyən emosional partlayışlar, ayrı-ayrı şəxslərin bəyanatları və şəxsi qiymətləndirmələrin ola biləcəyini vurğulayıb: “İnsanların müəyyən mənada emosional, bəzən yanlış, balanssız qiymətləndirmələr ehtiva edən şəxsi fikirlərini aydın şəkildə ayırmaq lazımdır. Dövlət siyasətinə gəlincə, onda ekspertlərin və jurnalistlərin fikirlərinə deyil, ölkə rəhbərliyinin təqdim etdiyi fikirlərə diqqət yetirməliyik. Siz Rusiya prezidentinin və ya onun mətbuat katibinin Ermənistan rəhbərliyi ilə bağlı ən azı bir qədər yanlış və ya qeyri-konstruktiv qiymətləndirmələr aparmasına dair bir nümunə də tapa bilməzsiniz. Düşünürəm ki, biz hələ də bunu rəhbər tutmalıyıq”.
Telegram kanalımız
