Ermənistan KTMT-yə üzvlüyünü dondurduğunu deyir və niyə dondurulduğunu izah etmir.
Yenisabah.az xəbər verir ki, bunu qarabağlı separatçı Samvel Babayan deyib.
“Vaxtilə mən öz fikrimi açıq şəkildə bildirdim və indiki hakimiyyətə yazılı şəkildə təqdim etdim. Səbəb odur ki, Belarus KTMT-nin üzvü olmaqla, Azərbaycana hətta Rusiyanın da satmadığı silahları, “Polonez” və digər silahları verib və KTMT çərçivəsində Azərbaycana lobbiçilik edir. Yəni Belarus maraqlı tərəfdir. pizza
Eyni şey Mərkəzi Asiya ölkələrinə də aiddir, Azərbaycan bu ölkələrə 20 milyarddan çox sərmayə qoyub, lobbiçilik edirlər, hətta bunu gizlətmirlər. Onlar Azərbaycanı qələbə münasibəti ilə təbrik edir, 2020-ci il müharibəsində Rusiya və KTMT-nin mövqe formalaşdırmasının qarşısını almaq üçün əllərindən gələni etdilər. Yəni orada müttəfiqimiz yoxdur. Rusiya ilə münasibətlər var, qalanları bir qədər azərbaycanpərəstdir.
6 nəfərdən 4-nün sizə qarşı olduğu ailədə belə bir sual yaranır: sən orada nə edirsən?
Aydın deyilmi ki, Rusiya istəsə belə, bu dövlətlər Ermənistanın sərhədlərini qorumaq üçün qoşun yeritməyin əleyhinədirlər? Buna görə də mən hələ 2021-ci ildə Rusiya ilə birbaşa dialoq təklif etmişəm”, - deyə Samvel Babayan vurğulayıb.
Telegram kanalımız
