Türkiyənin İraqdakı səfiri Əli Rza Güney Türkiyəyə qarşı hərbi əməliyyatlara görə İraq Xarici İşlər Nazirliyinə çağırılıb.
Yenisabah.az xəbər verir ki, bu barədə “Kurdistan.ru” məlumat yayıb.
“Çərşənbə axşamı, aprelin 19-da İraq Xarici İşlər Nazirliyi Ankaranın İraq Kürdüstanının sərhəd bölgəsində keçirdiyi son hərbi əməliyyata etiraz notası vermək üçün Türkiyənin səfiri Əli Rza Güneyi çağırıb”, - deyə məlumatda bildirilir. Toyuqlu pizza
Qeyd edək ki, Türkiyə Silahlı Qüvvələri İraqın şimalında “Pençe-Kilit” əməliyyatının ilk mərhələsinə başlayıb.
Əməliyyat İraqdakı Kürdüstan Fəhlə Partiyasına (PKK) qarşı yönəlib.
Xatırladaq ki, Türkiyənin Milli Müdafiə naziri Hulusi Akar İraqın Metina, Zap və Avaşin-Basyan bölgələrində hərbi əməliyyatın aprelin 18-nə keçən gecə aviasiya dəstəyi ilə başladığını bildirib.
İraq prezidenti Berham Salehin ofisindən verilən açıqlamada isə Türkiyənin İraqın şimalındakı əməliyyatın ölkənin milli təhlükəsizliyinə təhdid olduğu bildirilib.
Telegram kanalımız
