“Türkiyənin müxtəlif bölgələrində baş vermiş güclü meşə yanğınları dövlətimizi, xalqımızı dərindən kədərləndirir, hər bir Azərbaycan vətəndaşı hadisənin gedişini izləyir, narahatlıqlarını ifadə edir. Bu, onu göstərir ki, yalnız dövlətlərimiz, ölkə başçıları deyil, sadə vətəndaşlarımız da bir-birilərinin yanındadır, bir-birinə dəstəkdirlər”.
Bu fikirləri “İki sahil” qəzetinin baş redaktoru, siyasi elmlər doktoru Vüqar Rəhimzadə KİV-ə açıqlamasında bildirib.
O, deyib ki, yanğında həyatını itirən insanlar var. Yanğın qardaş ölkəyə genişmiqyaslı maddi və mənəvi zərər vurub. Hadisənin törətdiyi fəsadların miqyası genişdir. Dördpendirli pizza
“Dövlət başçısı İlham Əliyevin türkiyəli həmkarı Rəcəb Tayyib Ərdoğana bununla bağlı məktub ünvanlanması, həmçinin ölkə Prezidentinin tapşırığına müvafiq olaraq, Fövqəladə Hallar Nazirliyinin şəxsi heyətinin, helikopterlər, həmçinin digər lazımi avadanlıq və ləvazimatların Türkiyəyə göndərilməsi qardaşlığımızın daha bir təcəssümüdür.
Qardaş ölkəyə dəstək məqsədilə göndərilən Fövqəladə Hallar Nazirliyinin (FHN) yanğınsöndürmə qüvvələrinin dəstələri hazırda Türkiyənin Dalaman, Marmaris və yanğın baş verən digər bölgələrindədirlər. Prezident İlham Əliyev iyulun 30-da Türkiyə Prezidenti Rəcəb Tayyib Ərdoğana ünvanladığı məktubda bu əminliyi də ifadə edir ki, Sizin rəhbərliyiniz altında hökumətinizin atdığı qətiyyətli addımlar sayəsində əzmli və mübariz Türkiyə xalqı bu fəlakətin öhdəsindən tezliklə gələcək”.
Diqqəti 2020-ci ilin yanvarında Elazığın Sivrice bölgəsində və 2011-ci ilin oktyabrında Türkiyənin Van şəhərində baş verən zəlzələlərə yönəldən V.Rəhimzadə Azərbaycanın o zamanlarda da dərhal Türkiyənin yanında olduğunu vurgulayıb. Baş redaktor onu da əlavə edib ki, qardaş Türkiyə ilə yanaşı, digər dövlətlərə də çətin anlarda dəstəyini əsirgəməyən Azərbaycan bununla həm də özünün qeyd etdiyi kimi, yaxşı dostun dar gündə tanındığını nümayiş etdirir.
“Azərbaycan-Türkiyə birliyi əbədi və sarsılmazdır” söyləyən Vüqar Rəhimzadə bildirib ki, Türkiyə rəsmilərinin, tarixçilərinin də təsdiqlədikləri kimi, Şuşa Bəyannaməsi ilə “Bir millət, iki dövlət” rəsmi olaraq yola çıxdı.
Telegram kanalımız
