Ukrayna İsraildən “Dəmir gümbəz“ almaq istəyir

Ukrayna İsraildən “Dəmir günbəz” hava hücumundan müdafiə sistemi almağa hazırdır.

Yenisabah.az “The Jerusalem Post”a istinadla xəbər verir ki, bu barədə Ukraynanın İsraildəki səfiri Yevgeni Korniyçuk məlumat yayıb.

“Mən İsrail hakimiyyətini rahatlıq zonasından çıxmağa və reallığa qayıtmağa çağırıram. İsrailin köməyinə ehtiyacımız var, hərbi-texniki dəstəyi nəzərdə tuturam. Bizə "Dəmir günbəz" lazımdır. Bu, Rusiyanın atəşi altında olan mülki qadın və uşaqlarımızın həyatını xilas etməyə kömək edəcək”, - deyə Korniyçuk vurğulayıb. pizza

İsrail müharibə başlayandan bəri heç vaxt Ukraynaya "Dəmir günbəz" kimi müdafiə texnikası ilə bağlı olsa belə, hərbi-texniki dəstək göstərməyib. 

Korniyçuk israr edir ki, "Dəmir günbəz" mülki insanların həyatını xilas etmək üçün bir vasitədir.

Bundan başqa, səfir bildirib ki, Ukrayna hava hücumundan müdafiə sistemi almağa hazırdır və onu hədiyyə kimi qəbul etmir.

“Mən buna silah demirəm. Siz kimisə öldürə bilməzsiniz. Bizə ianəyə ehtiyac yoxdur, biz onu almaq istəyirik”, – deyə səfir əlavə edib.