Yeddilik Qrupu (G7) ölkələrinə cari yenidən silahlanma planlarını həyata keçirmək üçün növbəti on il ərzində 10 trilyon dollardan çox vəsait lazımdır.
Yenisabah.az Bloomberg-ə istinadla xəbər verir ki, bu, hərbi xərclərin ÜDM-in 4%-i səviyyəsində artması demək olacaq.
Qlobal müdafiə xərcləri 2023-cü ildə 2,2 trilyon dollara çatsa da, bəzi Avropa ölkələri yalnız indi yenidən silahlanma haqqında düşünməyə başlayıblar. pizza
Böyük xərclər vergilər, sosial təminat və dövlət borcları ilə bağlı “sərt qərarlar”la müşayiət olunacaq.
Agentliyin analitiki Cennifer Uelç deyib: “Bu, çox güman ki, müdafiə şirkətlərinin, hökumət maliyyələrinin və maliyyə bazarlarının transformasiyasına gətirib çıxaracaq”.
Onun sözlərinə görə, iqtisadi cəhətdən zəif olan Qərb ölkələri “borcları artırmaq, büdcənin digər maddələri üzrə xərcləri azaltmaq və vergiləri artırmaq arasında ağrılı seçimlər etməli olacaqlar. Bununla belə, ABŞ iqtisadiyyatı dövlət maliyyəsi sahəsində də müəyyən çətinliklərlə üzləşir.
Qərb ölkələrinin müdafiə xərclərini artırmaq istəyi ilk növbədə cari münaqişələr, eləcə də Çindən gələn təhlükə ilə bağlıdır. Eyni zamanda, hazırda dünyanın bir çox ölkələrində, o cümlədən Asiya ölkələrində silah qiymətlərində artım müşahidə olunur.
Telegram kanalımız
