Rəsmi Berlinin Gürcüstanla münasibətlərinə yenidən baxır.
Yenisabah.az SOVA-ya istinadla xəbər verir ki, bunu Almaniyanın Gürcüstandakı səfiri Peter Fişer bildirib.
“Gürcüstan Aİ üzvlüyünə namizəddir, lakin biz bu üzvlük prosesində çox çətin bir məqama çatmışıq. Gürcüstan hökumətinin hərəkətləri əsasında genişlənmə ilə bağlı qərarlar qəbul edən 27 dövlət və hökumət başçısının daxil olduğu Avropa Şurası iyunun 27-də Gürcüstanın üzvlük prosesinin dayandırılması barədə qərar qəbul edib. Toyuqlu pizza
İndi bu, Avropa İttifaqının siyasətidir və bu, çox kədərlidir, çünki hər şey tamamilə fərqli ola bilərdi, biz çox sürətlə irəliləyə bilərik, irəli getmək istəyirik, lakin üzvlük prosesinin sürəti və keyfiyyəti namizədin əlindədir.
Almaniyaya gəlincə, biz Gürcüstanla da münasibətlərimizə yenidən baxırıq. Bildiyiniz kimi, bizim çox geniş və dərin əlaqələrimiz var. Amerika Birləşmiş Ştatları ilə birlikdə Gürcüstanda inkişaf əməkdaşlığının ən böyük donorlarından biriyik. Biz Gürcüstan qarşısında heç bir yeni öhdəlik götürməmək qərarına gəldik, ona görə də hazırda Almaniyadan Gürcüstan üçün yeni maliyyə öhdəlikləri yoxdur.
Almaniya silahlı qüvvələri də “Layiqli tərəfdaş” təlimində iştirakını ləğv edib. Biz keçən il Tbilisidə keçirilən və bu yay Berlində keçirilməli olan böyük hüquq forumunu ləğv etdik. Biz gələcək addımları nəzərdən keçiririk”, - deyə Peter Fişer qeyd edib.
Telegram kanalımız
