Son iğtişaşlar zamanı 147 nəfər həlak olub.
Yenisabah.az EFE-yə istinadla xəbər verir ki, bunu Banqladeş Daxili İşlər Nazirliyinin rəhbəri Əsəduzzaman Xan bildirib.
Banqladeşdə etirazlar iyulun əvvəlində universitet şəhərciklərindən birində başlayıb. Tələbələr ölkənin 1971-ci il müstəqillik müharibəsi veteranlarının ailə üzvləri üçün iş yerlərinin 30%-nin kvotalarının geri qaytarılmasına etiraz ediblər. pizza mizza
Bu təcrübə 2018-ci ildə ləğv edilib, lakin bu ilin iyununda məhkəmə qərarı ilə geri qaytarılıb. Tələbələr bunu ayrı-seçkilik hesab edirdilər, xüsusən də ölkədə işsizliyin yüksək olduğunu nəzərə alsaq.
İyulun 21-də Banqladeş Ali Məhkəməsi hökumət işləri üçün kvota sistemini ciddi şəkildə azaltmaq qərarına gəlib: onun qərarına əsasən, yerlərin yalnız 7%-i veteranlar və onların yaxınları üçün ayrılacaq. Ertəsi gün Banqladeş rəsmiləri iğtişaşlardan sonra ölkədə yeni etiraz aksiyaları və ya zorakılıq aktları barədə məlumatın olmadığını bildiriblər.
Telegram kanalımız
